SUN has swapped its contract. Old contract: TKkeiboTkxXKJpbmVFbv4a8ov5rAfRDMf9. New contract: TSSMHYeV2uE9qYH95DqyoCuNCzEL1NvU3S
SUN (old) community
SUN (old) کی خبریں
SUN (old) کے متعلق
SUN (SUN) کیا ہے؟
SUN (SUN) ایک ایسی کرپٹو کرنسی ہے جسے بلاک چین نیٹ ورک TRON (TRX) پر ہونے والی غیر مرکزی مالیات (DeFi) کو مزید ترقی دینے کے لیے ڈیزائن کیا گیا ہے۔
"TRON پرموجود Bitcoin کے بہترین متبادل" کے طور پر SUN، TRON کے TRC-20 ٹوکن کے معیار کے مُطابق چلنے والا ایک رضاکارانہ پراجیکٹ ہے۔ ایک وقف شدہ کمیونٹی اسمارٹ معاہدات کے ذریعے آپریشنز کی نظم کاری کرتی ہے۔
SUN کی مائننگ کا ابتدائی مرحلہ، ستمبر 2020 کے اوائل ایام میں شروع ہوا، جو باضابطہ آغاز سے قبل دو ہفتے تک جاری رہا۔ شرکاء، انعامات سمیت، SUN کی گورننس کے حقوق حاصل کرنے کے لیے TRON کا TRX ٹوکن یا دیگر TRC-20 ٹوکنز اسٹیک کر سکتے ہیں۔
SUN کے بانیان کون ہیں؟
SUN کی TRON کے ساتھ گہری وابستگی ہے، جوکہ اس کے نام سے ہی واضح ہے، جو TRON کے بانی، Justin Sun کے نام پر رکھا گیا ہے۔
کرپٹو کرنسی کی کمیونٹی میں Sun ایک جانی پہچانی شخصیت ہیں، جو TRON کی بے باکانہ تشہیر اور Warren Buffett کے ساتھ لنچ کے دوران کرپٹو کرنسی پر گفتگو کرنے کے حوالے سے کچھ خاص اچھی شہرت نہیں رکھتے، جس کے لیے انہوں نے 4.5$ ملین کی خطیر رقم ادا کی۔
Sun نے کھُلےعام SUN کی ترویج کی ہے، اور اگرچہ باضابطہ طور پر اس کے ڈویلپرز کی شناخت بذات خود ظاہر نہیں کی گئی، تاہم ایک وقف شدہ کمیونٹی کو مُتعلقہ عملیات اور پیش رفت کا کام سونپ دیا گیا۔
DeFi کی روایت کے عین مطابق، تمام سرگرمیوں اور اپ ڈیٹس کو اسمارٹ معاہدات پر کمیونٹی گورننس کے طریقہ کار کے تحت انجام دیا جاتا ہے۔
SUN کا وائٹ پیپر اسے ایک "سماجی تجربے" کا نام دیتا ہے، اور مستقبل کے منصوبوں سے معلوم ہوتا ہے کہ یہ ٹوکن ’’غیر مرکزیت کے تحت دیے جانے والے قرضوں، بیمہ، لیکویڈیٹی، اسٹیبل کوائنز، وغیرہ" کے معاملوں میں بھی اپنا کردار ادا کر سکتا ہے۔
وہ کیا چیز ہے جو SUN کو منفرد بناتی ہے؟
SUN کا بنیادی مقصد TRON پروٹوکول کی معاونت کرنا ہے، جس کا ہدف، ایک غیر مرکزی انٹرنیٹ ایکو سسٹم تیار کرنا ہے۔
SUN کی خصوصی توجہ، TRON بلاک چین پر DeFi، اور اس کے استعمال اور دراندازی پر مرکوز ہے۔ اس طرح، یہ عمل DeFi پلیٹ فارمز کے مقامی ٹوکنز کے نقش قدم پر چلتا ہے، اور صارفین کو ایسے دیگر کوائنز اسٹیک کرنے، اور گورننس کے کاموں میں شریک ہونے پر انعامات سے نوازتا ہے۔
بلا شبہ، یہ TRON کے موجودہ صارفین، اور DeFi اسٹیکنگ اور متعلقہ سرگرمیوں سے واقفیت رکھنے والے افراد کے لئے باعث کشش ہو گا۔
SUN کے آغاز کے ماہ، یعنی ستمبر، سنہ 2020 تک منافعے کا امکان ایک سوالیہ نشان ہے۔ وائٹ پیپر کے مطابق، ڈویلپر زٹوکن کی "منصفانہ" تقسیم کا استحقاق رکھتے ہیں، نہ تو اس ضمن میں انہوں نے کسی قسم کی فنڈنگ قبول نہیں کی، اور نہ ہی کوئی SUN ان کے لیے یا TRON کی ٹیم کے اراکین کے لیے وقف کیا گیا تھا۔
یہ بذات خود TRON کے بھی برعکس ہے، جس نے سنہ 2017 میں ابتدائی کوائن کی پیشکش (ICO) کے دوران 70$ ملین سے بھی زیادہ جمع کیے۔
فی الوقت کُل کتنے SUN (SUN) کوائنز گردش میں ہیں؟
آغاز سے قبل ایک بھی SUN مائن نہیں کیا گیا تھا، اور اس کے وائٹ پیپر کے مطابق، اس کے حصول کا واحد ذریعہ اس کی مائننگ ہے۔ یہ عمل، یا تو TRX، یا پھر TRON کے اپنے TRC-20 معیار پر جاری کردہ دیگر ٹوکنز کو اسٹیک کرتے ہوئے انجام دیا جاتا ہے۔
مائننگ کے دو مراحل وجود میں آئے: جینیسز مائننگ، جو ستمبر 2020 میں دو ہفتے تک جاری رہی، اور اس کے بعد باقاعددہ مائننگ۔
جینیسز مائننگ کے مرحلے میں SUN کی کُل سپلائی کا 9.34% مائن کیا گیا۔ کُل سپلائی 19,900,730 SUN پر مشتمل ہے۔
صارف کی جانب سے SUN کی تخصیص کا انحصار اس بات پر ہے کہ انہوں نے کتنی مالیت کی اسٹیک کی، اور اسٹیکنگ پر کتنا وقت لگایا۔ وائٹ پیپر کے مطابق، صارفین جب چاہیں اسٹیکنگ کو روک سکتے ہیں، اور کسی بھی وقت اپنے SUN کی تخصیص کا مُطالبہ کر سکتے ہیں۔
SUN نیٹ ورک کو کس طرح سے محفوظ بنایا جاتا ہے؟
SUN کا سکیورٹی سیٹ اپ، پروف آف اسٹیک (PoS) پر مبنی دیگر بہت سی کرپٹو کرنسیز سے ملتا جلتا ہے، جو نیٹ ورک کے تحفظ کے لیے کمیونٹی کی مفاہمت و مالی مراعات پر انحصار کرتا ہے۔
اخلاقیات کے معاملے میں Bitcoin سے اس کی مماثلت کے باوجود، یہ ٹوکن پروف-آف-ورک (PoW) پر مبنی نہیں، اور Bitcoin بلاک چین جیسی سہولتیں فراہم نہیں کرتا، جیسے کہ سالوں پر محیط آزادانہ و قابل توثیق ٹرانزیکشن کی تصدیق۔
SUN پروٹوکول میں پہلے سے موجود آزادانہ آڈٹ کی سہولت کے باوجود، ممکنہ اسٹیکرز کو چاہیئے کہ اسمارٹ معاہدات میں فنڈز لاک کرنے سے وابستہ خطرات سے باخبر رہیں۔
آپ SUN (SUN) کہاں سے خرید سکتے ہیں؟
مائن ہونے کے بعد SUN، بہت کم وقت میں ایکسچینجز کی ایک بڑی تعداد کے مابین پھیل چُکا ہے، اور اس میں کرپٹو کرنسیز اور اسٹیبل کوائنز کے لیے جوڑے دستیاب ہیں۔
Huobi، Binance، اور OKEx بڑے لیکویڈیٹی فراہم کنندگان میں سے چند ہیں۔ OkEx، USD ڈیریویٹوز کی پیشکش بھی کرتا ہے۔
کیا آپ کرپٹو پر نئے آئے ہیں؟ Bitcoin یا کوئی اور ٹوکن خریدنے کے لئے ہماری آسان گائیڈ ملاحظہ کریں۔