Kinکی قیمت 

KIN

Kin ٹوکنز ایک ترغیبی ماڈل کے ذریعے گردش میں شامل ہوجاتے ہیں جسے Kin Rewards Engine یا مُختصراً "KRE" کہاجاتا ہے، اور ان ڈویلپرز کو انعامات سے نوازتا ہے جو Kin کے ساتھ اپنےذاتی تجربے کی بُنیاد پر غیر معمولی مواقع پیدا کرتے ہیں۔ یہ سافٹ وئیرکا وہ مانیٹائزیشن ماڈل پیش کرتا ہے، جو نت نئے استعمال کے معاملات کو اپنانے اور کسی کرپٹو کرنسی کی قدروقیمت پیدا کرنے کی ترغیب دیتا ہے، اور ساتھ ہی ساتھ صارفین کے مابین قدر کے تبادلے کی حوصلہ افزائی بھی کرتا ہے، برخلاف صارف کی ڈیٹا ہارویسٹنگ اور حصول توجہ کے جس کا صارفین کو کوئی فائدہ نہیں ہوتا۔ یہ نیا مُتبادل صارفین اور ڈویلپرز کو ایک مشترکہ ڈیجیٹل اکانومی کے گرد نئے سِرے سے ترتیب دیتا ہے جس میں بِگ ڈیٹا کی اجارہ داریوں پر نہیں بلکہ مواد کے اُن تخلیق کاروں اورڈویلپرز پر توجہ مرکوز رہتی ہے جو قدروقیمت بناتے ہیں۔

Kin بلاک چین ایک فیڈریٹڈ مفاہمتی ماڈل کے ذریعے خودمختارطور پر کام کرتا ہے، جوکہ فی الحال 11+ عالمی سطح پرتقسیم شدہ مُصدقہ نوڈز پر مشتمل ہے، تاکہ نہ صرف غلطی کی صُورت میں برداشت کو برقرار رکھا جائے بلکہ کم سے کم فیس کےعوض تیز رفتار تصدیق بھی کی جا سکے۔ آپریشنل سکیورٹی کے پیش نظر فی الحال نوڈز کی شناخت کو نجی سطح پر رکھا گیا ہے، لیکن مُبینہ طور پر یہ وہ خودمُختار، معتبر ڈیجیٹل سروس کے فراہم کنندگان ہیں جو بھروسے کے قابل دستیابی اور نگہداشت کی ایک تاریخ رکھتے ہیں۔

Kin Rewards Engine کی تقسیم اور الگورتھمک منطق کی نگہبانی Kin Foundation کرتی ہے جو بیرونی انٹاریو، کینیڈا میں قائم ایک غیر منافع بخش تنظیم ہے۔ غیر تقسیم شدہ Kin کو ایک ادارہ جاتی درجے کے خزانے میں مُقفل رکھا جاتا ہے جسے زیر انتظار وقفوں کے ایک سلسلے، افراط زر کے رہنما خطوط اور فیڈوشری تحویلی اختیار کے ذریعے کنٹرول کیا جاتا ہے جو فنڈز کی محفوظ منتقلی اور مناسب استعمال کو یقینی بناتے ہیں۔ اینٹی سپیم اور اینٹی فراڈ کی یقین دہانی بھی ایک سروس کے طور پر اس وقت تک فراہم کی جاتی ہے جب تک کہ Kin کی تقسیم متعلقہ اضافی حفاظتی تدابیر کے ساتھ مکمل طور پر خودکارنہ ہوجائے۔ تقسیم کے وقفے کے دوران Kin ایکوسسٹم میں کبھی بھی 10 ٹریلین سے زیادہ Kin موجود نہیں ہوں گے، کیونکہ بڑے پیمانے پر فراہمی کا مطلب ہے، دُنیا بھر سے بڑے ہی پیمانے پر اس کا اپنایا جانا جبکہ مطمع نظر یہ ہے کہ لین دین کرنے والے فریقوں کی تعداد کو مُکمل اعداد پر موقوف رکھا جائے، بجائے اس کے کہ یہ تعداد اعشاریوں میں چلی جائے۔