FTX

FTX کیا ہے؟

FTX ایک مرکزی کرپٹو ایکسچینج ہے، جو "ٹریڈرز کی جانب سے، ٹریڈرز کے لیے" تخلیق کیا گیا ہے، اور اس صنعت میں موجود اہم ٹریڈنگ کمپنیز کی جانب سے معاونت یافتہ ہے، جن میں Almeda Research، OTPP، Tamasek، BlackRock، Coinbase Ventures اور Sequoia Capital شامل ہیں۔ 2022 تک، اس پلیٹ فارم پر اندراج شدہ صارفین کی تعداد ایک ملین سے زائد ہو چکی ہے، اور روزمرہ کی ٹریڈنگ کا حجم کھربوں ڈالرز تک پہنچ چکا ہے۔ یہ اسپاٹ ٹریڈنگ کے لیے 300 سے زائد کرپٹو کرنسیز کی معاونت کرتا ہے، اور ڈیریویٹوز، آپشنز، پیشین گوئی پر چلنے والی مارکیٹس، لیوریجڈ ٹوکنز، ٹوکنائزڈ اسٹاکس، OTC ڈیسک اور اتار چڑھاؤ پر مشتمل پراڈکٹس کی پیشکش کرتا ہے۔

FTX کے بانیان کون ہیں؟

باہاماس میں واقع اس کمپنی کی بنیاد، مشترکہ طور پر Sam Bankman-Fried اور Gary Wang کی جانب سے رکھی گئی تھی۔ FTX کا دعویٰ ہے، کہ یہ "ٹریڈرز کی جانب سے، ٹریڈرز کے لیے" بنایا گیا ہے، اور اس کی ٹیم کا تعلق وال اسٹریٹ کی معروف کوانٹ فرمز سے ہے، جیسے کہ Jane Street، Optiver، Susquehanna، Facebook اور Google۔

Sam Bankman-Fried، جنہیں اس صنعت میں SBF کے نام سے جانا جاتا ہے، ایک آنٹرپرینیور اور سرمایہ کار ہیں۔ انہوں نے Massachusetts Institute of Technology (MIT) سے تعلیم حاصل کی، اور ایک اضافی مضمون کے طور پر ریاضی کے ساتھ فزکس میں گریجوئیٹ کیا۔ FTX کی تخلیق سے قبل، وہ Jane Street Capital میں کام کیا کرتے تھے اور انہوں نے Alameda Research ٹریڈنگ فرم کی بنیاد رکھی۔ جہاں تک Gary Wang کی بات ہے، تو وہ کمپنی کے CTO کی خدمات انجام دیا کرتے تھے۔ Wang نے بھی MIT سے گریجوئیٹ کیا، اور مئی 2019 میں FTX کے آغاز کے لیے SBF کے ساتھ شمولیت اختیار کرنے سے قبل، بحیثیت سافٹ ویئر انجینئر، Google میں کام کرتے ہوئے قیمت کی جمع کاری کے سسٹمز تیار کیا کرتے تھے۔

FTX کا آغاز کب ہوا؟

کرپٹو ڈیریویٹوز کی ٹریڈنگ کے اس پلیٹ فارم کا آغاز مئی 2019 میں ہوا۔

FTX کہاں واقع ہے؟

یہ کمپنی انٹیگوا اور باربودا میں واقع ہے، اور اس کا ہیڈ کوارٹر باہاماس میں واقع ہے۔

FTX کی جانب سے ممنوعہ ممالک

امریکی رہائشی اس عالمی پلیٹ فارم پر ٹریڈ نہیں کر سکتے، تاہم امریکی صارفین کے لیے نسبتاً محدود خصوصیات اور کرپٹو کی کم اقسام کے ساتھ ایک علیحدہ FTX.US ایکسچینج دستیاب ہے۔

مزید براں، یہ ایکسچینج ریاستہائے متحدہ امریکہ، کیوبا، کریمیا اور سیوستوپول، عوامی جمہوریہ لوہانسک، عوامی جمہوریہ ڈونیسک، ایران، افغانستان، شام، شمالی کوریا، یا انٹیگوا اور باربودا میں موجود یا اندراج شدہ کلائنٹس کے لیے کاروبارہ و انفرادی اکاؤنٹس نہیں کھولتا۔

یہ پلیٹ فارم انٹاریو، کینیڈا میں مقیم صارفین کا اندراج نہیں کرتا، اور ممکنہ طور پر ہانگ کانگ، تھائی لینڈ، ملائیشیا، بھارت اور کینیڈا میں محدود پابندیاں عائد ہو سکتی ہیں۔ ہانگ کانگ سے تعلق رکھنے والے غیر تجربہ کار سرمایہ کاران چند مخصوص پراڈکٹس تک رسائی حاصل نہیں کر سکتے، برازیل میں مقیم صارفین کو ڈیریویٹوز پراڈکٹس کے استعمال کی اجازت نہیں اور تمام جاپانی صارفین کو FTX جاپان پر خدمات فراہم کی جاتی ہیں۔

FTX پر کون سے کوائنز معاونت یافتہ ہیں؟

یہ پلیٹ فارم 300 سے زائد کرپٹو کرنسیز کی معاونت کرتا ہے، جن میں BTC، ETHِ، SOL، LTC، XRP، اور DOGE شامل ہیں۔

FTX کی فیس کیا ہے؟

FTX، میکر/ٹیکر فیس کے لیے ایک درجہ بند اسٹرکچر کا اطلاق کرتا ہے، ٹریڈنگ کے 30 روزہ حجمکے اعتبار سے کمیشنز مختلف ہوتے ہیں اور میکر فیس کی صورت میں 0% سے 0.02%، اور ٹیکر فیس کی صورت میں 0% سے 0.07% کے درمیان ہوتے ہیں۔

مزید براں، رقم نکلوانے کے لیے صارفین پر 0.10% تک کی لاگت عائد کی جا سکتی ہے۔ لیوریجڈ ٹوکنز کی تخلیق اور ریڈمپشن پر 0.10% کی لاگت آتی ہے اور روزمرہ کی نظم کاری کی فیس 0.03% (فی الوقت FTX، لیوریجڈ ٹوکنز کے طور پر XRP, BNB, TRX, BTC, ETH, EOS, USDT, LEO کی پیشکش کرتا ہے) ہے۔

کیا FTX پر لیوریج یا مارجن ٹریڈنگ کا استعمال ممکن ہے؟

یہ کرپٹو ایکسچینج، تجربہ کار ٹریڈرز اور نو آموز سرمایہ کاران، دونوں کے لیے جدید ٹریڈنگ کے مواقع پیش کرتا ہے: صارفین کے لیے اسپاٹ ٹریڈنگ، مارجن ٹریڈنگ، Futures کی ٹریڈنگ دستیاب ہیں۔

FTX، 20X تک کی لیوریج کی معاونت کرتا ہے۔ اہل ہونے والے صارفین کو موقعے پر ہی مارکیٹ کے 10X تک کے لیوریج تک رسائی حاصل ہوتی ہے۔ ریٹس کا تعین قرض دینے والے افراد کی جانب سے کیا جاتا ہے، اور یہ ہر ایک گھنٹے بعد ادا کیے جاتے ہیں۔ نیز، FTX پر Futures، کوائنز کی ایک نسبتاً وسیع تعداد کے لیے کراس مارجن کی پیشکش بھی کرتے ہیں۔