Presyo ng Ren (REN)

Ano ang Ren (REN)?

Ang Ren (REN) ay isang bukas na protokol na itinayo upang magbigay ng interoperability at pag-likida sa pagitan ng magkakaibang platform ng blockchain.

Kilala dati bilang Republic Protocol, inilunsad ng Ren ang RenVM, ang virtual machine mainnet nito, noong Mayo 2020, na nakapagkumpleto ng $34 na milyong initial coin offering (ICO) noong 2018.

Ang likas na token ng protokol, ang REN, ay gumagana bilang isang bond sa mga tumatakbong nodes na iyon na nagpapalakas sa RenVM, kilala bilang Darknodes.

Nilalayon ng Ren na palawakin ang interoperability, at mula rito ang kakayahang maakses, ng disentralisadong pinansya (DeFi) sa pamamagitan ng pagtatanggal ng mga hadlang na kabilang sa paglilikida sa pagitan ng mga blockchain.

Sino ang mga Tagapagtatag ng Ren?

Ang Ren ay itinatag ni Taiyang Zhang, ang CEO nito, noong 2017. Paunang tinawag na Republic Protocol, unang inansyu ang Ren noong Enero 2018, kung saan ipinaliwanag ni Zhang ang paunang paggamit nito bilang isang "disentralisadong dark pool."

Si Zhang mismo ay may umiiral na karanasan sa espasyo ng cryptocurrency, dahil kanya ring kapwa itinatag ang crypto hedge fund na Virgil Capital.

Bago iyon, kapwa itinatag ni Zhang ang Neucode, isang pasimulang software at web development, noong 2014. Si Jaz Gulati, ang isa pang kapwa nagtatag ng Neucode, ay nagtatrabaho ngayon bilang ang tagapagbuo o software developer para sa Ren.

Ano ang Nakapagbubukod-tangi sa Ren?

Ang Ren ay isang kumplikadong platform na may maraming kaso ng paggamit, ngunit ito talaga ay idinisenyo para mapagtagumpayan ang mga hadlang sa pagpasok at pamumuhunan para sa mga proyektong DeFi.

Bilang isang plug-in, nagbibigay-daan ito sa DeFi na dalhin ang dayuhang cryptocurrency assets tulad ng Bitcoin (BTC) at Zcash (ZEC) sa kanilang mga handog. Sa pang-mas malawakang usapin, ang mga user kung kinakailangan ay makapagsa-swap ng anumang token sa pagitan ng anumang dalawang blockchain nang walang mga hakbang ng pamamagitan tulad ng paggamit sa tinatawag na "naka-wrap" na mga bersyon ng token, halimbawa ay Wrapped Bitcoin (WBTC) at Wrapped Ethereum (WETH).

Ang RenVM ay isang network ng mga birtwal na kompyuter na bumubuo sa isang birtwal na makinarya. Ang mga makinarya na pinalalakas ang network na bumubuo sa RenVM ay tinatawag na Darknodes.

Naniningil ang Ren ng sari-saring bayarin para sa mga panloob na operasyon, ngunit karamihan ay hindi napupunta patungo sa direktang kita, sa halip ay ibinabayad sa mga tagamina. Bilang isang ERC-20 token, nakakaakit rin ang REN ng iba't ibang bayarin sa gas para palakasin ang mga transaksyon.

Mga Kaugnay na Page:

Alamin ang higit pa tungkol sa Chainlink dito.

Alamin ang higit pa tungkol sa Cosmos dito.

Baguhan sa cryptocurrency? Makita ang lahat ng mga kasagutan na iyong hinahanap gamit ang Alexandria, ang dedikadong mapagkukunan ng kalaaman ng CoinMarketCap.

Tingnan ang Deep Dive Into RenVN ng Alexandria.

Gaano karaming Ren (REN) Coins ang nasa Sirkulasyon?

Ang REN ay may nakapirming supply cap na 1 bilyong (1,000,000,000) token. Isinagawa ng Ren ang isang paunang bentahan at pampublikong bentahan ng token noong 2018, na sa panahong iyon ang kabuuang 60.2% ng supply ay naibenta sa mga mamumuhunan.

May reserbang pondo ang Ren na orihinal na inilaan sa 19.9% ng kabuuang supply, habang ang isa pang 9.9% ay inilaan panloob sa mga tagapayo, sa koponan at mga tagapagtatag nito. Ang team tokens ay may dalawang taon na lock-up period, na may anim na buwang lock-up para sa mga alokasyon ng tagapayo.

Isa pang 10% ng supply ng REN ay tiniyak na para sa mga aktibidad tulad ng mga pakikipagsosyo (partnerships) at pagpapaunlad.

Ang REN ay isang ERC-20 standard token.

Paano Sine-secure ang Ren Network?

Hanggang noong Oktubre 2020, ang pangunahing pinagkakaabalahan ng Ren ay pangkoponang kontrol sa mga pondo ng user. Nilalayon ng Ren na unti-unting palawakin ang disentralisasyon nito, ngunit ayon sa koponan nito, ang network sa simula ay magiging mas hindi disentralisado, partikular pagdating sa pag-iimbak o pagtatabi ng pondo.

Noong Agosto 2020, ang mga security analyst ay itinaas ang pagkabahala sa lahat ng mga pondo ng user ng Ren na nakatabi sa isahang (single) wallet na may halaga na $100 milyon.

Ang CTO ng Ren ay tumugon sa pamamagitan ng pagsasabi na "sa maaagang mga araw na ito, ang nodes ay pinatatakbo ng aming koponan. Sa teorya, maaari tayong kumilos nang mapanghamak. Ngunit habang tayo ay lumalawak sa mas marami pang mga miyembro, at sinimulan ang pagpapalit ng nodes na ito, huminto na ito sa pagiging posible."

Saan Ka Makakabili ng Ren (REN)?

Ang REN ay isang ganap na naikakalakal na token at may presensya sa iba't ibang malalaking exchange. Sa mga ito, ang Binance at Huobi Global ang may pinakamalaking volume hanggang noong Oktubre 2020. Ang mga pares ay kinabibilangan ng cryptocurrency, fiat at stablecoins.

Baguhan sa crypto? Basahin ang aming madaling gabay sa pagbili ng Bitcoin at iba pang mga cryptocurrency.